ഇരുപത്തിരണ്ടാമത് 'കേരള ബാംബൂ ഫെസ്റ്റ്', മുളമേഖലയുടെ പ്രോത്സാഹനത്തിനായുള്ള ഒരു ദേശീയ പരിപാടി, 2025 ഡിസംബര്‍ 27 മുതല്‍ 2026 ജനുവരി 01 വരെ കൊച്ചിയിലെ (എറണാകുളം) കലൂരിലുള്ള ജവഹർലാൽ നെഹ്‌റു അന്താരാഷ്ട്ര സ്റ്റേഡിയം ഗ്രൗണ്ടിൽ വെച്ച് നടത്താൻ നിശ്ചയിച്ചിരിക്കുന്നു. ഇന്ത്യാ ഗവൺമെന്റിന്റെ നാഷണൽ ബാംബൂ മിഷനുമായി സഹകരിച്ച് കേരള സംസ്ഥാന ബാംബൂ മിഷൻ (കെ.എസ്.ബി.എം), കേരള ബ്യൂറോ ഓഫ് ഇൻഡസ്ട്രിയൽ പ്രൊമോഷൻ (കെ.ബി.ഐ.പി) എന്നിവർ ചേർന്നാണ് കേരള സർക്കാരിന്റെ വ്യവസായ വാണിജ്യ വകുപ്പിന് വേണ്ടി ഈ ഫെസ്റ്റ് സംഘടിപ്പിക്കുന്നത്.

രാജ്യത്തിന്റെ വിവിധ ഭാഗങ്ങളിലുള്ള കരകൗശല വിദഗ്ധർക്കും ശിൽപ്പികൾക്കും അവരുടെ സൃഷ്ടിപരമായ കഴിവുകൾ പ്രദർശിപ്പിക്കുന്നതിനുള്ള ഒരു മികച്ച വേദി കേരള ബാംബൂ ഫെസ്റ്റ് ഒരുക്കും. ഉൽപ്പന്ന വികസനം, നൂതനമായ രൂപകൽപ്പനകൾ, ഉപകരണങ്ങൾ, യന്ത്രങ്ങൾ എന്നിവയെക്കുറിച്ച് മുളമേഖലയിൽ പ്രവർത്തിക്കുന്ന കരകൗശല വിദഗ്ധർ, ശിൽപ്പികൾ, സ്വയം സഹായ സംഘങ്ങൾ, എൻ.ജി.ഒ.കൾ, സ്വകാര്യ സംരംഭങ്ങൾ, സർക്കാർ വകുപ്പുകളും സ്ഥാപനങ്ങളും, യന്ത്രോപകരണ വിതരണക്കാർ, ഗവേഷണ സ്ഥാപനങ്ങൾ എന്നിവർക്ക് അറിവ് പങ്കുവെക്കാനും കൈമാറ്റം ചെയ്യാനും ഈ ഫെസ്റ്റ് അവസരം നൽകുന്നു.

രാജ്യത്തിന്റെ വിവിധ ഭാഗങ്ങളിൽ മുളയുമായി ബന്ധപ്പെട്ട് പ്രവർത്തിക്കുന്നവരെ ഒരുമിച്ച് കൊണ്ടുവരുന്ന ബാംബൂ ഫെസ്റ്റ്, മുളമേഖലയെ പുനരുജ്ജീവിപ്പിക്കുന്നതിനും സുസ്ഥിരമായ ഒരു ജീവിതശൈലി പ്രോത്സാഹിപ്പിക്കുന്നതിനുമായി വാണിജ്യം, സംസ്കാരം, സംരക്ഷണം എന്നിവയെ സമന്വയിപ്പിക്കുന്ന ഒരു ശക്തമായ പരിപാടിയായി വർത്തിക്കുന്നു.

കൂടുതൽ വിവരങ്ങൾക്ക്: കേരള ബാംബുമിഷന്‍ വെബ്സറ്റ് സന്ദര്‍ശിയ്ക്കുക